Fisch'e (fisc-k'e) pica (poesia) - San Fili by Pietro Perri

Vai ai contenuti

Fisch'e (fisc-k'e) pica (poesia)

Dialetto calabrese sanfilese > Giuvann'a suriciara
de Giuvann'a Suriciara
* * *
 
N'aju sentutu fisch'e pica
jienn'adiert'e aru penninu
mo ca sugnu viecchi'e sulu
vuegliu dorme 'nsanta pace
 
Di problemi u mi nne frica
si la gente l'ha voluti
sutt'u sule un cangia nente
... e ra luna un ce vo' cride
 
L'atru juornu ppe ra via
t'è 'ncrociatu nu sapiente
tantu spiertu quantu demente
... c'a sta canzuna nun sapia
 
N'è sentutu fisch'e pica
jienn'adiert'e aru penninu
mo ca sugnu viecchi'e sulu
vuegliu dorme 'nsanta pace
 
Volia dorme 'nsanta pace
ma li fisch'e sientu ancora
ca mi tenenu 'spigliatu
juorn'e notte 'ncavulatu
 
Chiss'è munnu pe ra gente
chi nun tene nent'e fare
chi vo' sulu u bene sue
e chi l'autri faü schattare
 
S'un ti piace cangia zona
dice sempre a canzuneddra
bussa puru addre San Pietru
... s'un ti frica puru Chiddru!
Torna ai contenuti